Жаңалықтар
Ағымдағы жылы 20 мамырда «Нұр Отан» халықтық-демократиялық партиясы Алматы қалалық филиалында «Жас Отан» жастар қанатының ұйымдастыруымен «Сыбайлас жемқорлыққа жол – ЖОҚ!» атты ақпараттық-насихаттау акциясы негізінде семинар-отырыс өтті.
Семинар отырыстың жалғасы алты ауданның «Жас Отан» жастар қанатының жас белсенділері Алматы қаласы университеттерінде "Таза сессия" атты іс-шара жүргізді. Шарада жас белсенділер қаржы полициясы органдары туралы ақпараттық буклеттер таратты.
Дәл осы күні Алматы қаласы қаржы полиция қызметкерлері «Жас-Отан» жастар қанатының белсенділерімен ақпарат алмасып, қаржы полициясы органдарының құрылу тарихы туралы айтып өтті. Сондай-ақ, Департамент қызметкерлері жастарды қызықтырған бірқатар сұрақтарға нақты жауаптар берді.
Оңтүстік Қазақстан облысы бойынша Экономикалық қылмысқа және сыбайлас жемқорлыққа қарсы күрес департаменті «Жемқорлықты бірге жояйық!» атты акциясын жүргізуде.
Акция шеңберінде Қаржы полициясы департаментімен билбордтар дайындалып, олар қаланың және аудандардың орталық көшелерінде орналастырылды. Сонымен қатар, қаржы полициясы органдарының сенім телефоны мен акцияның атауы көрсетілген кітапшалар мен буклеттер әзірленді. Кітапшалар жемқорлықтың түрлері, оның нысандары, күресу тәсілдері және басқа да маңызды ақпараттармен толықтырылған.
Департаментпен және оның ауданаралық аймақтық бөлімшелерімен халықпен кездесулер, ашық есік күндері, семинарлар мен дәрістер өткізілуде.
Ағымдағы жылғы 20 мамырда «Таза сессия» республикалық акциясының аясында С.Аманжолов атындағы Шығыс Қазақстан мемлекеттік университетінде Шығыс Қазақстан облысы бойынша қаржы полициясы қызметкерлері аталған жоғары оқу орнының студенттерімен кездесу өткізді.
Студенттер алдында Департаменттің баспасөз хатшысы Л.Искакова және ақпараттық талдау бөлімінің қызметкері Б.Мейрамқанов қаржы полициясы органдарының сыбайлас жемқорлыққа және көлеңкелі экономикаға қарсы күрес жөніндегі жұмыстары туралы ақпарат берді. Сондай-ақ анықталған жалған кәсіпкерлік, жалған ақша жасау және парақорлық фактілері бойынша бейнематериалдар көрсетілді.
Жыл сайын 18 сәуірде Халықарылық ескерткіштер мен тарихи орындарды қорғау күні аталып өтіледі. Аталған мереке әлемнің бірқатар елдерінде, соның ішінде Қазақстанда да аталып келеді.
Біздің еліміздің тарихы тереңде, бабалардан қалған тарихи, мәдени мұраларымыз мол. Ел аумағында есткеркіштер мен тарихи орындар көптеп саналады. Әсіресе мұндай жәдігерлерге – ашық аспан астындағы мұражайға– Маңғыстау түбегі бай.
Әлем елдерінде бұл күнге орай, дүниежүзілік тарихи және мәдениет ескеркіш мұраларды сақтау бойынша арнаулы іс-шараларды өткізу орын алған. Маңғыстау облысы әкімдігінің 2006 жылғы 6 маусымдағы №221 қаулысына сәйкес Қаржы полициясы департаменті «Бекі» тарихи ескеркішіне қамқоршылық етіп келеді.
Ағымдағы жылғы 19 мамырда қаржы полициясы қызметкерлері кезекті рет «Бекі» және «Қараман ата» тарихи-мәдени ескерткіштерінде сенбілік өткізді.
Ағымдағы жылғы 17-18 мамырда Қостанай қаласында «Қазақстан Республикасының қылмыстық заңнамаларын модернизациялау» халықаралық ғылыми-тәжірибелік конференциясы өтті.
Халықаралық конференция жұмысына Қостанай облысының әкімі Н.Сәдуақасов, «Нұр Отан» ХДП жанындағы Құқықтық кеңестің төрағасы Н.Әбдіров, Жоғарғы сотының өкілі А.Касимов, ҚР Бас прокуратурасының бірінші орынбасары И. Меркель, ҚР ҰҚК Төрағасының орынбасары С.Абиш, ҚР ҚР Ішкі істер Министрінің орынбасары Е.Кененбаев, ҚР депутаттары С. Еңсегенов, А.Кожахметов, Германия, Ресей Федерациясы және Беларусь Республикасының көрнекті ғалымдары қатысты.
Жедел ақпарат
Алматы қаласы бойынша Департаметі ҚР ҚК 206-бабы 2-бөлігінің «а» тармақшасы (жалған ақша немесе бағалы қағаздар жасау немесе сату) бойынша Б. деген азаматқа және анықталмаған тұлғаларға қатысты қылмыстық іс қозғады. 2013 жылғы 8 мамырда Б. деген азамат барлығы 87 дана, №9657651 ВД сериялы 39 дана, №6506415 БГ сериялы 27 дана, №11004221 БГ сериялы 5 дана, №9372979 БГ сериялы 10 дана, №0001862 БД сериялы 6 дана жалған номиналы 10 000 теңгелік ақша купюраларын өткізбек болған.
Астана қаласы бойынша Департаметі ҚР ҚК 192-бабы 2-бөлігінің «а,б,в» тармақтары (жалған кәсіпкерлік) бойынша У., Д., К., К., О., Астана қаласының Сарыарқа ауданы бойынша Салық басқармасының жетекші маманы Ш. деген азаматтарға және басқа да анықталмаған тұлғаларға қатысты қылмыстық іс қозғады. Олар 2012 жылы алдын ала сөз байласып, заңды кәсіпкерлік қызметпен айналысу ниетінсіз, мүліктік пайда алу және салық төлеуден жалтару мақсатында Ф. деген азаматтың атына жалған «Namday-12» ЖШС-ін тіркеген, Ш. деген азамат мемлекеттік міндеттерді орындауға уәкілетті тұлға бола тұра, өзінің лауазымдық қызметін пайдалана отырып, салықтық тексерісті жүргізбеу, қарсы тексерістерді растау және «Namday-12» ЖШС бойынша өткен күнмен жалған чектер берумен байланысты қылмыстық қызметке заңсыз қамқорлық жасап, мемлекетке төленетін салықты төлеуден жалтарып 647 млн. теңгеге залал келтірген.
Қостанай облысы бойынша Департаметі ҚР ҚК 307-бабының 2-бөлігі (қызмет өкілеттігін теріс пайдалану) бойынша «Қостанай облысы бойынша бақылау және әлеуметтік қорғау департаменті» ММ-нің еңбек инспекторы С. деген азаматқа қатысты қылмыстық іс қозғады. Ол Арқалық қаласында 2012 жылғы қарашада жеке кәсіпкер Х. деген азаматқа пайда мен артықшылық алу мақсатымен, өзінің лауазымды өкілеттілігін асыра пайдаланып, қазалы оқиғамен аяқталған фактіні тексеру кезінде, көрсетілген жеке кәсіпкердің еңбек құқығын қорғауда бұзушылық болмағаны туралы заңсыз акт шығарған.
БҚО бойынша Департаметі ҚР ҚК 311-бабының 2-бөлігі (пара алу) бойынша БҚО ІІД Зеленов аудандық ішкі істер бөлімінің Приуральный полиция бөлімінің көші-қон полициясы тобының аға инспекторы Б. деген азаматқа қатысты қылмыстық іс қозғады. Ол 2013 жылғы 15 мамырда Е. деген азаматтан ҚР азаматтығын алуға құжаттарды тез арада дайындап беру үшін 9 мың теңге пара алған.
Актөбе облысы бойынша Департаменті ҚР ҚК 192-бабы 2-бөлігінің «б» тармағы (жалған кәсіпкерлік) бойынша азаматтар Р., А. және өзге де анықталмаған тұлғаларға қатысты қылмыстық іс қозғады. Олар 2012 жылы «Дизмаркет 2011» ЖШС жалған кәсіпорнын құрып, алдын ала сөз байласқан топ бола тұра, жалған кәсіпорнын құрып, декларацияға кірістер мен шығыстар туралы көрінеу жалған мәлімет еңгізу жолымен, Ақтөбе облысының басқа кәсіпорындарына бюджетке салық төлеуден жалтаруға көмектескен. Сөйтіп мемлекетке жалпы сомасы 405 млн. теңге залал келтірген.
